张继聪承认同蔡卓妍成「硬闯拍摄」当事人 表态「任何硬闯都唔应该」

徐天佑太太Olive喺中环开设嘅护肤品店I Never Use Foundation（INUF），前日喺官方IG声称喺未批准之下，被本地一套贺岁片嘅剧组硬闯店内拍摄，更直言「同强姦冇分别」。涉及事件嘅本地製作有限公司以「认为单方陈述恐怕未能还原事实真相」为由发声明，而INUF亦随即回应反驳。

张继聪

提及「硬闯」事件时，张继聪表情都几严肃，而佢就话「任何拍摄嘅硬闯都唔应该……作为一个演员，我好难去问电影公司『係咪硬闯？』。拍嗰一刻我冇怀疑，亦都冇问，因为……通常演员唔会下下问『呢度行唔行得』。」张继聪形容自己「夹喺中间」，因为「套戏佢拍咗一日，另外嗰边都係我朋友，我亦唔了解成件事」。阿聪坦言「既然唔得，咁咪唔好入去拍啰。係咪有人处理得唔好，咁咪叫处理得唔好嘅人处理返啰。」

张继聪指事后与天佑有传讯息沟通，但呢件事唔能够仅靠佢地理解就解决到。阿聪直认心情有少少受事件影响，「作为一个演员，呢件事唔容易嘅，如果你係我，遇到呢啲情况，之后点呢？仲有咁多日拍，都係要继续畀心机拍……几难行都继续拍啦」。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！

其他人也在看