话说早前8月份，长实（1113）主席李泽鉅出席分析员会议时表达咗对市场后市睇法，佢话自己对楼市前景无水晶球，一直都只係会因应市场情况推盘，过去香港经济经历不同周期，每次赚钱最多都係在大多数人睇淡时候入市，仲认为市场若果回复，可以回复得好快，佢仲话，「我唔敢赌香港市场（楼市）太差，过去历史话我哋知边个赌香港长期差都错。」
下载Yahoo财经APP
美股外币即时报价 多国新闻任睇
两度减持套现近5亿
就咁睇落，李泽鉅对香港同楼市都充满信心。但最近，正喺中央频频出手之际，不论A股或者港股都有显着升幅，楼市亦出现一Q清袋嘅炽热气氛，不论股民或者等上楼嘅市民都开开心心，但长和（0001.HK）创办人及资深顾问李嘉诚李泽鉅旗下家族信託，喺一周内两度减持邮储行（1658.HK），套现约咗4.75亿。
正当中央介绍金融支持经济高质量发展有关情况。重磅降準、降息、降贷、设创新货币工具、研究评準基金、设立专项贷款，又有「证券、基金、保险公司互换便利」，再加「股票回购、增持专项再贷款」，李嘉诚同埋公司主席李泽鉅持有嘅家族信託「Li Ka-Shing Unity Holdings Limited」及「Li Ka Shing (Global) Foundation」，分别喺上星期14号同17号减持邮储银行，总共套现约4.75亿元。经过两次减持之后，李嘉诚同李泽鉅父子仍然持有15.81亿股邮储行，佔H股比例7.96%。
如果边个赌香港长期差都错，咁沽货套现究竟係啱定错呢？答案留待时间去解答，就等未来历史话我哋知。
言平
热门新闻
版权声明：除非特别标注，否则均为本站原创文章，转载时请以链接形式注明文章出处。
