「唱作歌手」陈健安（安仔）今年第4首主打歌《我违和但我不纠正》MV上架，他邀请热爱舞狮的女歌手THAIMAY、饲养爬虫类的健身教练Gary、歌手兼厨师RegenC.、魔法师EKEE、拍摄意识流风格影片的 Freeeboyzzzz和音乐创作的谢芊彤等，六位好朋友拍摄MV。其中Gary带来身长1.8米的大蜥蜴成为全场焦点，台前幕后争相摸摸和合照。
新歌创作班底由谢芊彤作曲、Oscar 填词，赖映彤编曲，并与安仔一同监製。安仔说：「呢首歌讲一啲人喺生活上，做一啲自己觉得开心、快乐嘅事情，但身边有好多不同嘅反对声音。」 他表示可能遇过，但因他自带「过滤器」，对反对声充耳不闻。他说：「有冇人试过好反对我做紧嘅嘢？我谂唔到。可能我就係有呢个过滤器，根本就听唔到反对声音，所以我先至可以走到依家，无论做歌手或者20年前开始玩花式足球，可能就係因为我嘅性格，我会block咗嗰啲阻止我或者反对我嘅人和说话，我唔记得佢哋讲过乜，但我依家过得好开心。」
安仔说：「今次拍MV邀请咗六个单位，佢哋每个人都做紧自己好喜欢嘅事，但背后都经历过被反对，觉得佢哋好有违和感。」首先与安仔做对手戏是娇小玲珑的杨雅文（THAIMAY），她10年前瞒着家人拜师学舞狮，最初因为喜欢的男仔学舞狮，她跟着去学，虽然追男仔失败，但她爱上舞狮，即使经常被取笑手无缚鸡之力，连家人亦怕她受伤而反对，但她仍然坚持。
另一位安仔好友张惠雅（RegenC.），是女团HotCha成员，安仔笑说：「Regen成个人生都好遗和，原本唱歌跳舞，无端端喺长洲开餐厅做厨师，最近在葵涌做到会，又无端端一个人去西藏旅行。」RegenC.表示全部都是她的兴趣，赚到钱就出歌，继续追梦，虽然生活艰难但过得开心满足。
而MV拍摄现场最抢镜是一条1.8米长大蜥蜴，安仔说：「Gary係我嘅健身教练，佢8岁开始养爬虫类，今日带咗佢嘅宝贝Black Dragon嚟一齐拍摄。另一位係呢首歌嘅作曲人芊彤，佢好细个开始音乐创作，过程经历唔少反对声音，但一直坚持。仲有三个男仔组成嘅Freeeboyzzzz，佢哋喺网上拍一啲意识流嘅片，纪录开心嘅事情。至于EKEE本身係电台DJ，之后去夹Band和做咗魔法师。」
此外，安仔还展示身上最近火红的日本动画Chiikawa 其中角色Usagi 挂饰，说：「佢身上嘅配件係由我歌迷3D 打印造出嚟，而且夜光。」他透露童年爱玩Barbie，说：「我细个锺意帮Barbie着衫、玩着衫纸公仔，小学嗰阵好锺造手作，但之后唔知点解无继续，入行后又重拾呢个兴趣。假如当时有人鼓励我，可能今日係一个出色嘅手作家。如果多啲人得到支持，呢个世界会有更多有趣嘅人。《我违和但我不纠正》呢首歌带出嘅意思係，当你见到一啲唔熟悉嘅嘢，唔好立即反对、阻止，多啲理解、体谅，呢个世界会更有趣、更好玩！」
