唱作歌手黄明德（Dark）于铜锣湾时代广场对出的英皇娱乐期间限定概念店0 e:ffect Concept Store，举行的「黄明德挑战24小时无间段Busking之得唔得㗎？」昨日（13日）圆满结束。Dark由前日（12日）下午四时开始，无间断Busking至昨日下午四时，期间更获Gin Lee李幸倪、邓小巧、黎展峯（Andy）、曾傲棐（Arvin）、海儿（Hedy）、EG、姜柠乐、力臻、鸡翼@JFFT、Calvin Sir、杰少、KKBOX第六届校园大使、Tim、十冰、Emiko及Charlie共十六个歌手、KOL单位来撑场。
Dark表示一知道这个挑战的消息时，没甚压力，因为觉得自己还年轻，而且十五、六岁时不时都通宵打机不睡觉，亦试过连续八小时Busking，觉得「碎料」一单，但当真正开始挑战时，原来不是那么轻鬆，「一开头啲时间好似过得好快，因为一个嘉宾接一个嘉宾，轻鬆啦。但去到零晨两点打后我开始眼瞓，EG同杰少走咗之后，中间有段时间係我自己一个人，然后就係Andy。而家谂番起我同Andy嗰五个钟嘅记忆我係冇乜，嗰阵时我喺度谂：『做紧乜嘢？我係咪发紧梦呀？究竟我喺边度？』好似失去清醒嘅状态。」虽然记忆模糊，但他十分感激Andy，「佢零晨五点嚟到，买咗好多嘢食俾我，好有义气同我捱咗五个钟，好多谢佢。」除了Andy，他亦感激压轴来陪他渡过「最后时间」的师姐Gin，「师姐Gin特登沖蜜糖水俾我，佢亲自调较温度，真係好多谢佢，好sweet。」
Dark续说：「期间唔知係咪紧张呢，个胃开始唔舒服，胃抽筋，但真心觉得自己一定要完成佢，唔衰得，最后顺利完成挑战。亦都唔知係咪同星座有关呢，因为狮子座有「不甘心」嘅底蕴，当经埋人同我讲话可以放弃时，我就喺度谂放弃都几难睇，完成唔到唔甘心呀。我一定做到！要撑到最后。」除了胃抽筋，失声亦令Dark十分困扰，「因为之前病咗，咳得太多失咗声，开始呢个challenge之前啱啱好番少少，加上我平时讲嘢好唔爱惜声带，唔去control自己去叫。经过今次之后，小巧、Hedy、Calvin sir同埋Gin，所有人都同我讲：『你讲少啲嘢啦、你静啲啦。』Arvin都有留意：『其实你讲嘢真係唔使咁大声。』」亦因为失声，他亦有一番新的领悟，「唱歌係我由细到大，唯一一样觉得自己係good at嘅一样嘢，但突然间冇咗，就令到我觉得就算你几依赖，总有一日会冇，即使嗰样嘢好似同你出生入死。」
Challenge的难关一一捱过，Dark谓倒数最后一小时是最兴奋，「其实去到第二日最后两、三个锺已经开始有啲唔捨得，见到条街企满晒人嚟支持，同埋有十几个fans真係喺条街陪足我廿四个钟，真係好多谢佢哋。到最后一个钟，见到一直摆喺度嘅计时器得番『分钟』嗰边有数字，我係由心而发嗰种叫出嚟！终于得返五十九分钟！最后嗰十秒大家一齐倒数，当个钟跳到零，嗰刻真係有啲想喊出嚟，估唔到咁多人陪住我，亦都估唔到自己个感受係咁大、咁感触。」问到完成挑战后最想做甚么，Dark即谓：「第一时间最想同fans影相，影完相就pack好晒啲嘢嗱嗱临返屋企瞓觉，我好挂住屋企张床。」
